الأسئلة الشائعة

الموقع التعريفي بياخد من أسبوعين لتلاتة. موقع الأعمال بصفحات خدمات ومدونة بياخد من 4 لـ 6 أسابيع. المدة بتبدأ من ساعة ما نستلم المحتوى والصور، مش من تاريخ العقد — وده أكتر سبب بيأخّر المشاريع.

جلسة واحدة نفهم فيها شغلك، ومحتوى الشركة (نبذة، خدمات، صور لو موجودة)، ووصول للنطاق لو موجود. ولو المحتوى مش جاهز، بنساعدك في كتابته كجزء من المشروع.

لأن إخفاء السعر بيضيّع وقت الطرفين. الأسعار اللي على صفحة الأسعار حقيقية وبتتحدث من نظامنا مباشرة. المشاريع المخصصة هي بس اللي محتاجة عرض سعر، لأن سعرها بيعتمد على نطاقها.

لأ. السعر المعروض هو اللي هتدفعه. لو فيه حاجة خارج النطاق المتفق عليه، بنقول لك تكلفتها قبل ما ننفّذها، ومبننفّذش أي حاجة بتكلفة قبل موافقتك.

الخدمات المتكررة زي الاستضافة والدعم بتتدفع في بداية كل دورة. المشاريع بتتقسّم على دفعات مرتبطة بمراحل التسليم — مقدم عند البدء، ودفعة عند كل مرحلة تشوفها وتوافق عليها.

أيوه، وده الجزء الأهم عندنا. كل مشروع بيطلع بفترة دعم مجانية، وبعدها تقدر تكمّل بعقد دعم شهري. اللي بنى النظام هو نفسه اللي بيدعمه — مش فريق تاني بيقرا الكود لأول مرة.

أيوه. كل موقع بنسلّمه بلوحة تحكم بالعربي تقدر تغيّر منها النصوص والصور والخدمات والأسعار من غير ما ترجع لنا، وبندرّب فريقك عليها قبل التسليم.

أيوه، والنقل مجاني. بننقل الملفات وقواعد البيانات والإيميلات، وبنجرّب كل حاجة على نسخة قبل ما نحوّل النطاق — فالموقع مبيقفش أثناء النقل.

أيوه لو ده اللي محتاجه. بنبني الموقع من الأساس بلغتين مع اتجاه صحيح لكل واحدة، ولوحة التحكم بتديك خانتين لكل نص — عربي وإنجليزي.

عندنا مراقبة بتنبّهنا غالبًا قبل ما تلاحظ أنت. النسخ الاحتياطي بيتاخد يوميًا وبنقدر نرجّع لأي يوم في آخر أسبوعين. ولو المشكلة من عندنا، الإصلاح مش بيتحاسب عليه.

شغلنا اتنوّع بين التعليم والرعاية الصحية والتجزئة والخدمات القانونية والمقاولات، في مصر والخليج. بس المعيار عندنا مش المجال — المعيار إن يكون فيه مشكلة واضحة نقدر نحلّها ونقيس نتيجتها.